Rupeedesk - Share Market Training

ஹோம் இன்ஷூரன்ஸ் வாங்கும்போது கவனிக்க வேண்டிய விஷயங்கள்?

ஹோம் இன்ஷூரன்ஸ் வாங்கும்போது கவனிக்க வேண்டிய விஷயங்கள்?

நம் நாட்டில் ஹோம் இன்ஷூரன்ஸ் பற்றி முன்னணி நகரங்களில் இருந்து இன்ஷூரன்ஸ் பாலிதாரர்களிடம் கருத்துக்கணிப்பு நடத்தியது.

அதில் ஹோம் இன்ஷூரன்ஸ் விழிப்புணர்வு குறித்தும், ஹோம் இன்ஷூரன்ஸ் வாங்க காரணங்கள் மற்றும் ஹோம் இன்ஷூரன்ஸ் வாங்கும்போது கவனிக்க வேண்டிய விஷயங்கள்? என்ன என்பது குறித்தும் பாலிதாரர்களிடம் கேட்கப்பட்ட கேள்விகளுக்கான முடிவுகள்..

ஆறாயிரம் கோடி சொத்து இருந்தும் பேக்கரியில் கூலிவேலை

ஆறாயிரம் கோடி சொத்து இருந்தும் பேக்கரியில் கூலிவேலை - இளைஞரின் நெகிழ்ச்சிக் கதை!

தன் தந்தைக்கு ஆறாயிரம் கோடி ரூபாய் அளவுக்கு சொத்து இருந்தும் பேக்கரி ஒன்றில் கூலிவேலை செய்து, நெகிழ வைத்துள்ளார் இளைஞர் ஒருவர். சமூக வலைத்தளங்களில் அவருக்குப் பாராட்டுக்கள் குவிந்து வருகின்றன.

குஜராத் மாநிலத்தின் முன்னணி வைர வியாபாரி சாவ்ஜி தொலாக்கியா. 54 வயதான சாவ்ஜி, ஹரே கிருஷ்ணா என்ற பெயரில் வைரம் மற்றும் ஆபரணப் பொருட்கள் ஏற்றுமதி நிறுவனம் நடத்தி வருகிறார். சூரத் நகரில் பெரிய கம்பெனி வைத்து நிர்வகித்து வரும் சாவ்ஜி, உலகின் 71 நாடுகளில் வைர வியாபாரம் செய்து குஜராத் மாநிலத்தின் முன்னணி செல்வந்தராக வளம் வருகிறார். கடந்த 2011ம் ஆண்டு சிறந்த ஏற்றுமதியாளர் என்ற வகையில் அதற்கான குஜராத் மாநில அரசின் விருதையும் பெற்றுள்ளார். இவரது சொத்து மதிப்பு 6 ஆயிரம் கோடி.

இந்நிலையில் இவரின் மகன் ட்ராவ்யா தொலாக்கியா அமெரிக்காவில் எம்.பி.ஏ. படித்துவிட்டு சொந்த ஊர் திரும்பியுள்ளார். 21 வயதே நிரம்பிய ட்ராவ்யா தொலாக்கியாவுக்கு பணம் மற்றும் சமூக அந்தஸ்து, எல்லாவற்றுக்கும் மேலாக உழைப்பின் அருமையைப் புரிய வைக்கவேண்டும் என்று சாவ்ஜி விரும்பியுள்ளார். இதனை மகனிடமும் கூறியுள்ளார். அவரும் தந்தைப் பேச்சிற்கு மதிப்புக்குக் கொடுத்து தந்தையின் சொல்படி நடந்து கொண்டுள்ளார்.

இது குறித்து சாவ்ஜி தொலாக்கியா கூறுகையில், "என்மகனிடம் நான் சொன்னது ஒன்றுதான். வேலை தேடுவதும் அந்த வேலையைத் தக்கவைத்துக் கொள்ள படும் சிரமங்களையும், சம்பாதிக்கும் பணத்தின் முக்கியத்துவத்தையும் உணர வேண்டும். அதனால் நமது மாநிலம் அல்லாத ஊருக்குச் சென்று உன்னுடைய திறனால் வேலை தேடி சம்பாதித்து ஒருமாதம் வாழ்ந்து காட்டு. எதற்கும் என்னுடைய பெயரை செல்வாக்கை எந்த இடத்திலும் பயன்படுத்தக் கூடாது என்றேன். அவரும் அதே போல வாழ்ந்து காட்டியுள்ளார்." என்கிறார் நெகிழ்வாக.

தந்தையின் சவாலை வெற்றிகொண்ட ட்ராவ்யா தொலாக்கியா தெரிவிக்கையில், 'அப்பாவின் சொல்படி வேலை தேட நான் தேர்ந்தெடுத்த மாநிலம் கேரளா. எனக்கு மலையாளம் தெரியாது. அங்கு அதிகம் இந்தி மொழி தெரிந்தவர்களும் இல்லை.ஆனாலும் பல இடங்களில் வேலை தேடினேன். கொச்சி முழுக்க 60 நிறுவனங்களில் வேலை தேடினேன். கிடைக்கவில்லை. ஆனாலும் மனம் தளரவில்லை. இறுதியாக பேக்கரி ஒன்றில் வேலை கிடைத்தது. அடுத்துஅழைப்பு மையம் ஒன்றிலும், மெக் டொனால்ட் கடையிலும் வேலை பார்த்தேன். எல்லாமே சிறு சிறு வேலைகள்தான். ஒரு மாதத்தில் ரூ.4000 மட்டுமே சம்பாதிக்க முடிந்தது. வேலை இல்லாமல் இருப்பதும் அதைத் தேடி அலைவதும் எவ்வளவு கொடுமையானது என்பதை உணர்ந்து கொண்டேன்.

இந்தச் சமயத்தில்தான், நான் வேலை செய்யும் பேக்கரிக்கு வந்த ஒருவர் எனது வேலையைப் பார்த்து 'இம்ப்ரஸ்' ஆகியுள்ளார். அவர் தான் பணிபுரியும் தனியார் நிதி நிறுவனத்தில் வேலை வாங்கித் தருவதாகக் கூறி அழைத்தார். ஆனால் அப்போது அவருடன் இருந்த நபர்கள் 'இவரைப் பற்றி ஒன்றும் தெரியாத நிலையில் அவருக்கு வேலை வாங்கித் தரவேண்டாம்' என்று கூறினர். இருப்பினும் எனது வேலைத்திறன் அவருக்குப் பிடித்துப் போகவே புதிய வேலைக்குப் பரிந்துரைத்தார். இதற்கிடையே எனது தந்தை நிறுவனத்தில் இருந்து போன் அழைப்பு வந்துள்ளது.

என் மீது நம்பிக்கை வைத்து வேலைக்கு ஏற்பாடு செய்த அவருக்கு நன்றி தெரிவித்து, நான் யார் என்றும் என்ன நிலையில் வேலைக்கு வந்துள்ளேன் என்பதை அவரிடம் விளக்கிக் கூறியுள்ளார்கள். இதனால் இன்ப அதிர்ச்சிக்கு ஆளான அவர் என்னை மனமார வாழ்த்தினார். விரைவில் எனது சொந்த ஊருக்குச் செல்கிறேன். தந்தையின் விருப்பத்தை நிறைவேற்றிய மனதோடு குஜராத் பயணமாகிறேன். இந்த இடைப்பட்ட காலத்தில் நான் கற்றுக் கொண்ட ஒரு முக்கிய விஷயம், சக மனிதனுடன் அன்பும் கரிசனமும் கொண்டு பழக வேண்டும் என்பதுதான்" என்றார் வாழ்வின் புரிதலோடு.

கண்டிஷன்ஸ் அப்ளை - படித்துப் பார்த்து வாங்குங்கள்!

இன்றைக்கு எந்த ஒரு பொருளைத் தயாரிக்கும் நிறுவனமும், 'கண்டிஷன்ஸ் அப்ளை’ என்கிற இரு வார்த்தைகளை நட்சத்திரக் குறியுடன் அச்சிடத் தவறுவதில்லை. சோப்பு முதல் செல்போன்கள் வரை எல்லா பொருட்களிலும் இந்த வார்த்தைகளைக் கட்டாயம் பார்க்கலாம். நிறுவனம் தயாரிக்கும் பொருளில் ஏதாவது குறை இருந்தால் அல்லது சேவை சரியில்லை என்று சம்பந்தப்பட்ட நிறுவனத்திடம் புகார் செய்தால், 'கண்டிஷன்ஸ் அப்ளை’ என்கிற வார்த்தைகளைக் காட்டி தப்பித்துவிடுகிறது அந்த நிறுவனம்.

மியூச்சுவல் ஃபண்ட், இன்ஷூரன்ஸ் என முதலீட்டு உலகிலும் 'கண்டிஷன்ஸ் அப்ளை’ என்கிற எச்சரிக்கை இருந்தாலும், கன்ஸ்யூமர் டியூரபிள்ஸ் எனப்படும் நுகர்வோர் பொருட்களில்தான் இந்த வார்த்தைகளை சாதுரியமாகப் பயன்படுத்துகின்றன பல நிறுவனங்கள். நாம் வாங்கும் இந்தப் பொருட்களில் கண்களுக்குத் தெரியாத அளவுக்கு மிக மிகச் சிறிய எழுத்துகளில் லென்ஸ் வைத்துப் படிக்கிற மாதிரி அச்சிடப்பட்டிருக்கும் இந்த வாசகங்கள். 'கண்டிஷன்ஸ் அப்ளை’ என நிறுவனங்கள் அச்சிடுவதோடு சரி, என்ன நிபந்தனைகள் என்பதை எந்த நிறுவனமும் சொல்வதில்லை. என்ன நிபந்தனை என அந்த நிறுவனத்திடம் கேட்டால், அதை எங்கள் நிறுவனத்தின் இணையதளத்தில் சென்று படித்துக் கொள்ளுங்கள் என்கின்றன.

சரி, என்ன நிபந்தனைகளைச் சொல்லியிருப்பார்கள் என இணையதளத்துக்குச் சென்று பார்த்தால், நிபந்தனைப் பட்டியல் பத்து, பதினைந்து பக்கங்களுக்குமேல் செல்கின்றன. இந்த நிபந்தனைகள் பெரும்பாலும் ஆங்கிலத்தில்தான் இருக்கின்றன. இந்த ஆங்கிலமும் புரியாதபடிக்கு டெக்னிக்கல் வார்த்தைகளைக் கொண்டு எழுதப்பட்டிருக்கிறது. இதனால் சாமானியர்களால் இந்த நிபந்தனைகளை எளிதில் படித்துப் புரிந்துகொள்ள முடியவில்லை.

ஐந்து ரூபாய் தந்து வாங்கும் சிப்ஸ் பாக்கெட்டில் நமக்கு என்ன பாதகம் வந்துவிடப்போகிறது; இதற்கு ஏன் நிபந்தனை போடுகிறார்கள் என்று நினைத்து, அதன் நிபந்தனைகளைப் படித்தால், நம் வயிறு எரியும். அந்த சிப்ஸில் கலக்கப்பட்டுள்ள சில மூலப்பொருட்களினால் நம் உடலுக்குப் பாதிப்பு வரலாம் என்று சொல்லியிருப்பார்கள். ஆனால், இதைத் தெரிந்துகொள்ள இந்தப் பொருளை வாங்குகிற விலையைவிட அதிகம் செலவு செய்ய வேண்டியிருக்கும்.

எல்லா பொருட்களிலும் 'கண்டிஷன்ஸ் அப்ளை’ என அச்சிடுவது சரியா, இதில் கவனிக்க வேண்டிய விஷயங்கள் என்னென்ன என்று சிட்டிசன் கன்ஸ்யூமர் மற்றும் சிவிக் ஆக்‌ஷன் குரூப் ஒருங்கிணைப்பாளர் சரோஜாவிடம் கேட்டோம்.

'நிறுவனங்கள் இப்படி செய்வது தவறு. வாடிக்கையாளர்களுக்குப் புரிகிற மாதிரி எளிமையான மொழியில்தான் நிபந்தனைகளுக்கான வாசகங்களை தரவேண்டும். இதில் மக்கள் செய்யும் தவறு என்னவெனில், 'இன்றோடு இந்த ஆஃபர் முடிகிறது’ என்கிற விளம்பரத்தைப் பார்த்தாலே போதும், உடனே அந்தப் பொருளை வாங்கிவிட வேண்டும் என்று துடிக்கிறார்கள். இதனால் அந்தப் பொருளை வாங்குவதற்கான நிபந்தனைகளைப் அவர்கள் படித்துப் பார்ப்பதில்லை.

ஆனால், 'கண்டிஷன்ஸ் அப்ளை’ என்று சொல்லும் விற்பனையாளர்கள், அவர்கள் சொல்லும் நிபந்தனைகளை மக்களுக்கு அவசியம் எடுத்துச் சொல்ல வேண்டும். அவை கண்ணுக்கு தெரியும்படி, புரியுமாறு அச்சிட்டிருக்க வேண்டும்.

நிபந்தனைகளில் சொன்னபடி இல்லாமல், வாடிக்கையாளர்கள் ஏமாற்றப்படும்பட்சத்தில் அந்த நிறுவனத்தின் மீது உடனடியாக நுகர்வோர் நீதிமன்றத்தில் வழக்குத் தொடர முடியும். ஆனால், 'நான் வாங்கும் 10 ரூபாய் பொருளுக்கு பல ஆயிரம் செலவு செய்து வழக்குப் போட வேண்டுமா?’ என்று நினைத்து பலரும் சும்மா இருந்துவிடுகிறார்கள். இதனால் நிறுவனங்கள் செய்யும் தவறுகள் திருத்தப்படாமலே போய்விடுகிறது.

'கண்டிஷன்ஸ் அப்ளை’ என்று பார்த்த மாத்திரத்தில், நீங்கள் ஜாக்கிரதையாக இருக்க வேண்டிய விஷயங்கள் என்னென்ன?

1.ஒரு பொருள் அல்லது சேவைவை வாங்கும்முன், அதற்கான நிபந்தனைகளை நன்றாகப் படித்து, புரிந்துகொண்டு கையெழுத்திடுங்கள். ஒருவேளை ஏஜென்ட்டோ , விற்பனை யாளரோ அவசரப்படுத்தினால் அனுமதிக்காதீர்கள்!

2. பொருட்களோடு வழங்கப்படும் ஆஃபர்களை நிராகரிக்க உங்களுக்கு உரிமை உண்டு. அப்படி திணிக்கப்பட்டால் நீங்கள் வேண்டாம் என்று முறையிடலாம். ஆனால், இதில் நீங்கள் படிக்காமல் கையெழுத்து போட்டுவிட்டால், அதன்மேல் வழக்குத் தொடர இயலாது.

3. சமூக வலைதளங்கள், இணையதளங்களில் கணக்கு துவங்கும்முன் அதன் சட்டதிட்டங்களைப் படியுங்கள். அதில் தனிப்பட்ட விஷயங்களை நீங்கள் ஒப்புக்கொண்டால் மட்டுமே அனுமதியுங்கள்.

4. 'கண்டிஷன்ஸ் அப்ளை’ என்று படித்தபின், அங்கே நிபந்தனைகள் எதுவும் குறிப்பிடப்படவில்லை எனில், அந்த நிறுவனத்தை அணுகியோ இணையதளத்திலோ பார்த்துத் தெரிந்துகொள்ளுங்கள். ஒருநாள் ஆனாலும் பரவாயில்லை பார்த்துப் படித்து ஆராய்ந்து வாங்குவது சிறந்தது'' என்றார்.

எந்த விஷயத்தையும் பதற்றப்படாமல் செய்தாலே, பிற்பாடு எந்தப் பிரச்னையும் வராது. குறைந்த விலையில் பொருளை வாங்க வேண்டும் என்று நினைத்து, அவர்கள் காட்டிய இடத்திலெல்லாம் நீங்கள் கையெழுத்துப் போட்டீர்கள் என்றால், பிற்பாடு உங்கள் உரிமைக்காக நீங்கள் போராடவே முடியாது!

தவிர்க்க வேண்டிய வீண் செலவுகள்!

1. சம்பளம் வாங்கியவுடன் நண்பர்களை அழைத்துக்கொண்டு காஸ்ட்லி ரெஸ்டாரன்ட்டுக்குப் போய்ச் சாப்பிடுவது, ஷாப்பிங் செய்வது என இன்றைய இளைஞர்களில் பலர் எக்கச்சக்கமாக செலவு செய்கிறார்கள். ஜாலி என்கிற பெயரிலும் ரிலாக்ஸ் என்கிற எண்ணத்திலும் இவர்கள் செய்கிற இந்தச் செலவுகள் எந்த அளவுக்கு அவசியமானது என நினைத்துப் பார்ப்பதே இல்லை. முடிந்தவரை இதைத் தவிர்க்கலாம்.

2. இ-காமர்ஸ் நிறுவனங்கள் தரும் ஆஃபர்களைப் பார்த்துவிட்டு தேவை யில்லாதப் பொருட்களை வாங்கிக் குவிக்கிறார்கள் சிலர். 40% தள்ளுபடி விலை என்பதால் ஒன்றுக்கு இரண்டு செல்போன்களை வாங்கி வைத்திருந்து என்ன பயன் என யாரும் யோசிப்பதில்லை. உங்கள்

செல்போனில் ஆஃபர்ஸ் பற்றி தகவல் தரும் எந்த ஆப்ஸுக்கும் நோட்டிஃபிகேஷன் அமைப்பை ஆன் செய்து வைக்காதீர்கள். காரணம், தினமும் வரும் டாப்-அப் செய்திகள் உங்களை அந்தப் பொருளை ஏதாவது ஒருநேரத்தில் வாங்கத் தூண்டும். அதேபோல, கூடுதலாக செலவு செய்யத் தூண்டும் கேஷ் பேக் ஆஃபர்களையும் தவிர்க்கலாம்.

3. இன்றைய இளைஞர்கள் டூவீலரை அடிக்கடி மார்டனாக மாற்ற அதிகம் செலவு செய்கிறார்கள். ரிம்களை மாற்றுவது, ஹாரன்களை மாற்றுவது, ரேஸ் பைக்குகளைப்போல வண்டியின் அமைப்புகளை மாற்றுவது, பெயின்டிங் செய்வது என நிறைய செலவு செய்வதைத் தவிர்த்தால், நிறைய பணத்தை மிச்சப்படுத்த முடியுமே!

4. எந்த சினிமா படம் வெளியானாலும், அதை முதல் நாளன்றே பார்த்துவிடுவது என சிலர் கங்கணம் கட்டிக்கொண்டு செயல்படுகிறார்கள். இதற்காக இவர்கள் அதிகக் கட்டணம் கொடுக்கக்கூட தயங்குவதில்லை. இப்படி அவர்கள் சினிமாவுக்குப் போவதுடன், நண்பர்களையும் பெருமையோடு அழைத்துச் செல்கிறார்கள். இதனால் சம்பளத்தின் கணிசமான பகுதி கணக்கில் வராமலே காலியாகிவிடுகிறது. இந்தச் செலவைத் தவிர்த்து, சேமித்தால் பெரும் பணம் சேருமே!

5. எல்சிடி டிவி இருந்தாலும், புதிதாக வந்த எல்இடி டிவியை வாங்குவது, ஒரு டன் ஏசி ஏற்கெனவே வீட்டில் இருக்க, இரண்டு டன் ஏசியை வாங்குவது, நல்ல ஆண்ட்ராய்டு போன் இருந்தாலும், புதிதாக வந்த போனை தேவையேயில்லாமல் வாங்குவது என நல்ல கண்டிஷனில் இருக்கும் பொருட்களையே தூக்கிப் போட்டுவிட்டு புதிதாக வாங்குவதைத் தவிர்க்கலாம். அந்தப் பணத்தை நல்ல லாபம் தரும் முதலீட்டுத் திட்டங்களில் முதலீடு செய்து வைக்கலாம்.

6. எடுத்ததற்கெல்லாம் ட்ரீட் கொடுப்பது இன்றைக்கு கலாசாரமாகிவிட்டது. மாத பரீட்சையில் பாஸாவது தொடங்கி, புராஜெக்ட் முடிப்பது வரை எல்லாவற்றுக்கும் ட்ரீட் கேட்பதும், தருவதும் வாடிக்கையான விஷயமாகி விட்டது. இதற்காக ஒருவர் ஒரு மாதத்துக்கு 1,000 - 2,000 ரூபாய் வரை செலவு செய்கிறார். இந்தச் செலவைத் தவிர்க்கலாம்.

7. வீட்டில் நடைபெறும் பிறந்தநாள், திருமணநாள் போன்ற பார்ட்டிகளில் தங்களின் பொருளாதாரச் சூழலுக்கு மீறி பந்தாவுக்காக, அடுத்தவர்கள் வியக்க வேண்டும் என செலவு செய்வதை முடிந்தவரைத் தவிர்க்கலாம்.

8. ஃபேஷன் மோகம் சிலருக்கு அதிகமாக இருக்கும். கடன் வாங்கியாவது கண்ணில் படும் புது ரக ஆடைகளை வாங்கிக் குவிப்பதையும், தேவைக்கும், தகுதிக்கும் அதிகமாக அழகு சாதனப் பொருட்களை வாங்கிச் சேர்ப்பதையும் கொஞ்சம் குறைக்கலாம்.

9. ஐந்து நிமிடத்தில் பேசி முடிக்க வேண்டிய விஷயத்தை அரைமணி நேரம் பேசுவதையும், தேவையே இல்லாமல் எஸ்எம்எஸ் அனுப்புவதையும் தவிர்த்தால் செல்போன் கட்டணம் பாதியாகக் குறையும்.

10. சைக்கிளில் போகக்கூடிய தூரமே இருக்கும் காய்கறிக் கடைக்கு பைக்கில் போவதையும், பஸ்ஸில் போவதற்கான சூழல் இருந்தும் ஆட்டோ, கால்டாக்ஸி யில் போவதையும் தவிர்க்கலாம்.

கிரெடிட் கார்டுன்னா என்ன?

கிரெடிட் கார்டு - விளக்கம்..!

‘’ஏலேய்... அண்ணாச்சி கடையில போய் இந்த லிஸ்டில் இருக்கிற சாமானை எல்லாம் வாங்கிட்டு வா... அந்த சிட்டையை எடுத்துட்டுப் போ!’’ என்று மகனைத் துரத்திவிடுவாள் தாய். அவனும் லிஸ்டைக் கொண்டுபோய் சாமான்களை வாங்கிக்கொண்டு, காசு கேட்கும் அண்ணாச்சியிடம் சிட்டையைக் கொடுப்பான். அவர், அந்த லிஸ்டில் உள்ள பொருட்களுக்கு உரிய தொகையை அந்த சிட்டையில் எழுதிக் கொடுப்பார்.

மாதக் கடைசியில் அந்தச் சிட்டையில் உள்ள தொகையைக் கூட்டிப் பார்த்து கணக்கை பைசல் பண்ணிக்கொள்வார்கள். இது பல காலமாக நம்மூர் கிராமங்களில் நடைமுறையில் இருப்பதுதான். அதேபோல நகரத்துவாசிகளின் கையில் இருக்கும் சிட்டைதான் கிரெடிட் கார்டு! என்ன வித்தியாசம்னா, அண்ணாச்சி கடை சிட்டையை அவர் கடையில் மட்டும்தான் பயன்படுத்த முடியும். ஆனா, இந்த கடன் அட்டையை பல கடைகளில் பயன்படுத்திக்கலாம்.

நாடும் விலைவாசியும் இருக்கிற நிலைமையிலே இன்னிக்கு மிடில் கிளாஸ் வர்க்கத்துக்குப் பல சமயங்களில் கை கொடுப்பது இந்த கிரெடிட் கார்டுதான். பத்து தேதிக்குப் பிறகு வாங்குற சம்பளம் பத்தாமப் போயிடுது. அதுக்குப் பிறகு ஏதாவது அவசரத் தேவைன்னா கைகொடுக்கறது இந்த கிரெடிட் கார்டுதான்!

கிரெடிட் கார்டுன்னா என்ன?

ஒரு மனுஷனோட வருமானம், வாழ்க்கை முறை, வசதிகள் எல்லாவற்றையும் பார்த்து ஒரு வங்கி இன்னார் இவ்வளவு தொகைக்கு தகுதியானவர்தான்னு எடைபோடும். அந்தத் தொகைக்கு ஏற்ற அளவுக்கு அவர் செலவழிக்க அந்த பேங்க் கடன் கொடுக்கும். அதாவது, இவ்வளவு தொகை வரைக்கும் இவர் செய்யும் செலவுகளுக்கு நான் பொறுப்பு... அவர் செலவழிக்கும் பணத்தை நான் கட்டி விடுகிறேன் என வங்கி அறிவிக்கும். எவ்வளவு செலவழிக்கிறார்னு கணக்குப் பார்க்கவும், கடைகளில் தான்தான் அத்தாரிட்டினு தெரிவிக்கிறதுக்கும் வங்கி அவருக்கு ஒரு கார்டைக் கொடுக்கும்.

அந்த கார்டைக் கொண்டுபோய் கடையில் காட்டி பொருளை வாங்கிக் கொள்ளலாம். கடைக்காரரும் அவர் கிட்டே இருக்கிற மெஷினில் இந்த அட்டையைத் தேய்த்த உடன் வங்கியிலிருந்து சில நொடிகளில் வரும் ஆன்லைன் அப்ரூவலைப் பார்த்துட்டு பொருளைக் கொடுத்து விடுவார்.

அந்த மெஷினில் தேய்க்கும்போதே வங்கிக்கு இவர் இவ்வளவு தொகைக்கு இந்த இடத்தில் பொருள் வாங்கியிருக்கார் என்று தகவல் போய்விடும். அந்தத் தொகையை வங்கி அந்தக் கடைக்குக் கொடுத்து விடும். கார்டு வெச்சிருக்கும் ஆளுக்கு மாசத்துக்கு ஒரு தடவை செலவு விவரங்களை அச்சடிச்சு (மின்னஞ்சலிலும் வரும்) ரசீதாக அனுப்பிடும். அவரும் அந்தத் தொகையை வங்கிக்குக் கட்டி விடுவார்.

வீட்டுக் கடன் எவ்வளவு கிடைக்கும்?

நீங்க வாங்கப் போகிற அல்லது கட்டப்போகிற வீட்டுக்கான முழுச் செலவுக்கும் கடன் தர மாட்டாங்க. மொத்தத் தொகையில சுமார் 15 முதல் 20 சதவிகிதப் பணத்தை நீங்க கையிலேயிருந்து போடவேண்டி வரும். இதை ‘மார்ஜின் மணி’ அப்படிங்கிறாங்க.

இந்தப் பணத்தையும் கடனா வாங்கக்-கூடாது. அப்புறம் கடன் தொகை கூடுதலாகி, கட்டுறதுல சிரமமாயிடும். அதனால, இந்த மார்ஜின் தொகையை தயார் செஞ்சுகிட்டு, அதுக்கு அப்புறமாதான் கடன் வாங்கணும்.

கடன் தர்றதுக்கு வீட்டோட மொத்த மதிப்பை கணக்குப் பண்ணுறது ஒரு பக்கம் இருந்தாலும், கடன் வாங்குறவரோட மாத வருமானம் எவ்வளவுங்குறதும் முக்கியமான விஷயம். இதன் அடிப்படையிலதான் எவ்வளவு கடன் தர்றதுங்குறதை முடிவு செய்வாங்க.

பொதுவா ஒருத்தரோட நிகர மாதச் சம்பளத்தைப் போல 40-லிருந்து 60 மடங்கு வரை வீட்டுக் கடனாக தருவாங்க. மாதச் சம்பளம் 15 முதல் 20 ஆயிரத்துக்குள்ள இருந்தா 40 முதல் 45 மடங்கும், 25 முதல் 40 ஆயிரம் ரூபாய்ன்னா 50 முதல் 55 மடங்கும் கடன் கிடைக்கும்.

இதை ஒரு உதாரணம் மூலமாப் பார்த்தா சட்டுன்னு புரியும். பிரபு, 20 லட்ச ரூபாய்க்கு வீடு வாங்கப் போறார்னு வச்சுக்குவோம். இதுல 20% தொகையான 4 லட்ச ரூபாயை அவர் கையிலேருந்துப் போடணும். மீதி 16 லட்ச ரூபாய்தான் கடனா தருவாங்க!

இந்தத் தொகையை கடன் வாங்க பிரபுவோட மாதச் சம்பளம் சுமார் 35,000 ரூபாயா இருக்கணும். இதுக்குக் குறைஞ்சா 16 லட்ச ரூபா கடன் கிடைக்காது. ‘அந்த வீட்டை வாங்கியே ஆகணும்னு பிரபு விருப்பப்பட்டா, கடன் கிடைச்சது போக மீதித் தொகையையும் கையி-லேர்ந்துதான் போட்டாகணும்.

எதுக்காக கிரெடிட் கார்டு?

முதலாவது நாடு இருக்கும் நிலைமையில் ஓரளவுக்கு மேல கையில பணத்தை எடுத்துக்கிட்டு போறது அத்தனை பாதுகாப்பாக இல்லை. லாரியிலே கொண்டு போனாலே வழிமறிச்சு கொள்ளை அடிச்சுட்டுப் போயிடுற காலமா இருக்கு. அதேசமயம், பொருட்களை வாங்காமலும் இருக்கமுடியாது. அந்த மாதிரி சமயத்துலதான் கிரெடிட் கார்டுங்கறது ரொம்ப பிரயோஜனமா இருக்கும். பர்ஸூல கார்டைச் செருகிட்டுப் போனோமா... பொருளை வாங்கினோமானு வந்திடலாம்.

அடுத்ததா பார்த்தீங்கன்னா, கடனுக்கு ஒரு பொருளை வாங்கும்போது அதுக்கான வட்டியைக் கொடுக்க வேண்டியிருக்கும். அதுவே கிரெடிட் கார்டில் வாங்கினால் குறிப்பிட்ட காலத்துக்கு அதை வட்டியில்லாக் கடனா பயன்படுத்த முடியும். ஆனா, இப்படிச் செய்யும்போது கவனமா இருக்கணும். ஏன்னா, கிரெடிட் கார்டுங்கறது கத்தி மாதிரி... கொஞ்சம் அசந்தா நம் கையைப் பதம் பார்த்துரும்.

முன்னெல்லாம் வங்கிகள் மட்டும்தான் கிரெடிட் கார்டை கொடுத்தன. இப்போ தனியார் நிதி நிறுவனங்கள், சேவை மையங்கள் எல்லாம் கூட கார்டுகளை தருகின்றன. வங்கிக்கு வங்கி, கார்டுக்கு கார்டு வித்தியாசம் இருக்கு. சிலர் சர்வீஸ் சார்ஜ் குறைவாப் போடுவாங்க. சில கார்டுகளுக்கு அதை எல்லாக் கடைகளிலும் பயன்படுத்தலாம்ங்கற வசதி இருக்கும். வேறு சில கார்டுகளுக்குக் கடைகள்ல நிறைய சலுகை கிடைக்கும். இதையெல்லாம் கவனிச்சு, எது நமக்கு நல்ல பலன் தருமோ அந்த கார்டை வாங்குறதுதான் சரியா இருக்கும்.

நிறுவன தலைவர்களுக்கு உதவும் 5 ஆப்ஸ்கள்

நிறுவன தலைவர்களுக்கு உதவும் 5 ஆப்ஸ்கள்!

இதுநாள்வரை ஒரு லேப்டாப்பை வைத்து நாம் செய்த பல வேலைகளை, இப்போது ஒரு செல்போனை வைத்து செய்துவிட முடிகிற அளவுக்கு தொழில்நுட்பம் மாறியிருக்கிறது. இந்த மாற்றத்துக்கு அடிப்படையாக இருக்கின்றன சில ஆப்ஸ்கள். ஒரு கல்லூரி மாணவன் தொடங்கி ஒரு பெரிய நிறுவனத்தின் சிஇஓ வரை அனைவருக்கும் உதவும் விதவிதமான ஆப்ஸ்கள் குவிந்து கிடக்கின்றன. இதில் நிறுவனங்களின் தலைவர்களாக இருக்கும் சிஇஓக்களுக்கு உதவும் டாப் ஆப்ஸ்களைப் பார்ப்போம். இந்த ஆப்ஸ்கள் நிறுவனங்களின் உயர்பதவியில் இருப்பவர்கள் அனைவருக்கும் கட்டாயமாகத் தேவைப்படும்.

1 ஆபீஸ் ஆப்ஸ்!

பொதுவாக, சிஇஓ போன்ற உயர்பதவி வகிப்பவர்களுக்கு அலுவலக வேலைகளை அலுவலகத்தைவிட்டு வெளியில் உள்ளபோது கவனிக்க வேண்டிய தேவை அதிகம் உள்ளது. அப்படிப்பட்டவர் களுக்கு முதலில் மிகவும் தேவையான ஆப்ஸ் தனது டாக்குமென்ட்டுகளைத் தயார் செய்ய உதவும் மைக்ரோசாஃப்ட் ஆபீஸ்தான். இது ஐபோன், ஐபேடில் ஆப்பிள் ஆபீஸ் என்ற பெயரில் இருக்கும். இதில் அலுவலகத்தின் ஒரு செய்தி அல்லது தகவல்களைப் பார்க்க உதவும் மைக்ரோசாஃப்ட் ஆபீஸ் வேர்டு, திட்ட விளக்கங்களுக்கு உதவக்கூடிய பவர் பாயின்ட், அலுவலக கணக்குகளைப் பார்க்கக்கூடிய எக்ஸ்எல் ஆகியவை இடம்பெற்றிருக்கும். இந்த ஆப்ஸ், ஒரு டாக்குமென்ட்டை பார்த்து, படித்து, அதனை மாற்றியமைத்து அதனை நேரடியாக மின்னஞ்சல் அல்லது சமூக வலைதளங்கள் மூலம் மற்றவர்களுக்கு அனுப்பும் விதமாக அமைந்துள்ளது.

ஆப்பிள் போனில் இந்த ஆப்ஸ் இடம்பெற்றிருக்கும். ஆண்ட்ராய்டு இயங்குதளத்தில் இது இலவசமாகக் குறைந்த வசதிகளுடன் தரப்பட்டுள்ளது. அதிக மற்றும் முழுமையான அப்டேட் உள்ள ஆப்ஸ்கள் கட்டண ஆப்ஸாக உள்ளன. சிஇஓக்கள் தங்கள் அலுவலகத் தகவல்களை உடனுக்குடன் அறிய மற்றும் தெரிவிக்க இந்த ஆப்ஸ் எளிமையாக உதவும்.

2 தொலைத்தொடர்பு ஆப்ஸ்கள்!

ஆபீஸுடன் தகவல்களைப் பரிமாறிக் கொள்ளத் தொலைத்தொடர்பு ஆப்ஸ்கள் அதிக அளவில் உதவி செய்வதாக இருக்கின்றன. சில முக்கியமான கூட்டங்கள், கருத்தரங்கங்கள் ஆகியவற்றில் சிஇஓக்களின் பங்களிப்பு மிகவும் முக்கியம் என்பதால், அவர்கள் பங்கேற்க முடியாத நேரங்களில் பெரும்பாலும் அவர்களுக்கு உதவும்விதமாக இருப்பது இந்த ஆப்ஸ்கள்தான். இந்தத் தொலைத்தொடர்பு ஆப்ஸ்களில் மிகவும் உதவிகரமாக இருப்பது ஸ்கைப். இதில் வாய்ஸ்கால், வீடியோகால் மூலம் நிறுவனத்தோடு தொடர்பில் இருக்கலாம். குறைந்த கட்டணத்தில் செல்போன் மற்றும் லேண்ட்லைன் போன்களுக்குத் தொடர்புகொள்ளலாம்.

3ஜி மற்றும் வை-ஃபையில் இயங்கும் ஸ்கைப், கான்ஃப்ரன்ஸ் மற்றும் பயிற்சி வகுப்புகளுக்கு மிகவும் உதவியாக உள்ளது. இந்த ஆப்ஸை சிஇஓக்களின் பயணச் செலவுகளைக் குறைக்கும் உத்தியாகவும் பார்க்கின்றனர். அதுமட்டுமின்றி, நிறுவன பணியாளர்களோடு எப்போதும் தொடர்பில் இருப்பது போன்ற உணர்வையே இது ஏற்படுத்துவதால், இது நிறுவன தலைவர் களுக்கு உதவியாக உள்ள ஆப்ஸ்களின் வரிசை யில் முக்கிய இடத்தைப் பிடித்திருக்கிறது. இதேபோன்ற வசதிகளுடன் வைபர், மேஜிக் ஜாக், ஃபேஸ் டைம் ஆகிய ஆப்ஸ்களும் உள்ளன.

3 நோட் ஆப்ஸ்!

நிறுவனத் தலைவர்கள் சில முக்கியமான மீட்டிங்களுக்குத் தயாராகும்போது அதற்கான குறிப்புகளை உடனே தயார் செய்ய பரிந்துரைக்கப் படும் ஆப்ஸ்கள் மூன்று. அவை, ஒன் நோட், எவர் நோட் மற்றும் லெக்சர் நோட்.

இவை மூன்றும் ஏறக்குறைய ஒரேமாதிரியான செயல்பாடுகளைக் கொண்ட ஆப்ஸ்கள்தான். ஒன் நோட் மைக்ரோசாஃப்ட் நிறுவனத்தின் ஆப்ஸ். இதில் இயங்க ஒரு மைக்ரோசாஃப்ட் கணக்குத் தேவை. நீங்கள் தயார் செய்யும் குறிப்புகளை இதன் மூலம் மற்றொருவருடன் நேரடியாகப் பகிர முடியும். இதில் நீங்கள் புகைப்படங்களையும் சேர்க்க முடியும்.

எவர் நோட் ஆப்ஸில் தயாரிக்கப்படும் குறிப்புகள் அனைத்து மொபைல் போன்களிலும் பயன்படுத்தும் அளவுக்கு எளிதாக இருக்கும். இதில் தயாரிக்கப்படும் குறிப்புகள் எளிதாகத் தேடும் அளவுக்கு இதன் தேடுதல் பக்கம் வடிவமைக்கப்பட்டிருக்கிறது. இதனைப் பிடிஎஃப் பக்கங்களாககூட மாற்றிக்கொள்ளலாம்.

லெக்சர் நோட் ஒருவர் கையால் எழுதுவது போன்ற வடிவத்திலேயே செல்போன் திரையில் எழுதி குறிப்புகளை எடுக்க உதவும் ஆண்ட்ராய்டு ஆப்ஸ் ஆகும். இது கட்டண ஆப்ஸ். இதற்கான மாதிரி பயன்பாட்டு ஆப்ஸ் இலவசமாகக் கிடைக்கிறது.

4 நினைவக ஆப்ஸ்!

பெரும்பாலான சிஇஓக்கள் தங்கள் செல்போனுக்கு வரும் தகவல்களைச் சேமித்து வைக்கவேண்டிய சூழல் இருக்கும். தற்போது செல்போன்கள் அதிக அளவு இன்டர்னல் மெமரியோடு வந்தாலும், மிகப் பெரிய ஃபைல்களைச் சேமித்து வைக்க வசதியாக இல்லை என்பதால் அதற்கு உதவியாகச் சில நினைவக ஆப்ஸ்கள் உள்ளன.

இதில் முக்கியமானது ட்ராப் பாக்ஸ்தான். 2 ஜிபி வரை இலவசமாகச் சேமித்துக் கொள்ளலாம். பிறகு கட்டணம் செலுத்தி, 100 ஜிபி வரை சேமித்து வைத்துக்கொள்ளும் அளவுக்குச் சிறப்பான ஆப்ஸாக உள்ளது. இதில் நீங்கள் சேமித்து வைக்கும் தகவல் களை மற்றவர்களுடன் பகிரும் வசதியும் உள்ளது.

இதேபோன்ற வசதியுடன் இலவசமாகக் கிடைக்கும் சில சிறந்த ஆப்ஸ்களும் உள்ளன. ஒன் ட்ரைவ், கூகுள் ட்ரைவ் ஆகிய ஆப்ஸ்கள் நீங்கள் புதிதாகத் தகவல்களை உருவாக்கி, அதனை யாருடன் பகிர்ந்து கொள்வது, அதனை மாற்றியமைக்க யாருக்கு அனுமதி வழங்குவது என்ற அளவுக்குத் தகவல்களைச் சேமித்து வைக்கும் வசதியுடன் உள்ளன.

ஆப்பிள் போன்களில் ஐ-க்ளவுட் வசதியில் 5 ஜிபி வரை இலவசமாகச் சேமிக்கலாம். பின்னர் தேவைப்படும் மெமரிக்குக் கட்டணம் செலுத்தி அதிகரித்துக் கொள்ளலாம். மாதத்துக்கு 60 ரூபாய் என்ற அளவில் இருந்து கூடுதல் நினைவக வசதிகள் உள்ளன.

5 சமூக வலைதள ஆப்ஸ்கள்!

பெரிய நிறுவனங்களில் தலைவர்களாக இருப்பவர்கள் பொதுவாக அனைவரும் இருக்கும் ஃபேஸ்புக், ட்விட்டர் போன்ற தளங்களைவிட அவர்கள் அதிகம் உலாவுவது லிங்டு இன் போன்ற சமூக வலைதளங்களில்தான். இதில் அவர்கள் மிகவும் புரஃபஷனலாக இயங்க முடியும்.

குறிப்பிட்ட பிரிவில் சிறப்பாகச் செயல்படும் ஒரு நிறுவனத் தலைவரை அந்தப் பிரிவில் ஆர்வம் உள்ள பலரும் தொடர்புகொள்ள முடியும் என்பதால் இந்த ஆப்ஸையே நிறுவனத் தலைவர்கள் அதிகம் விரும்பு கின்றனர். இதில் பிரீமியம் கணக்குகளும் உள்ளன. 10 டாலர் ஆரம்பித்து 60 டாலர் வரை மாத பயன்பாட்டுக்குக் கட்டணமாகக் கொடுத்து பயன்படுத்தும் அளவுக்குக் கட்டணங்கள் உள்ளன.

இதன் அடுத்த வடிவமாக வந்துள்ள லிங்டு இன் கனெக்டெட் ஆப்ஸ் வேகமாகவும், எளிதாகவும் ஒருவருடன் நட்பை ஏற்படுத்திக் கொள்ளும் விதமாகவும் அமைந்துள்ளது. உங்களுக்குத் தெரிந்த நண்பர்களை அடையாளம் காட்டுவது துவங்கி அவர்களது பிறந்தநாள், விருப்பம் ஆகியவற்றைத் தெரிவிக்கும் அளவுக்கு மேம்பாடு அடைந்ததாக உள்ளது இந்த ஆப்ஸ்.

சும்மா இருந்தால் சூப்பர் வெற்றி - ட்ரையிங் நாட் டு ட்ரை

இந்த வாரம் நாம் அறிமுகப்படுத்தும் புத்தகம் ‘ட்ரையிங் நாட் டு ட்ரை’ என்ற எட்வர்ட் ஸ்லிங்கர்லேண்ட் எழுதியது. சும்மா இருத்தல் என்பது குறித்த சுவையான புத்தகம் இது. இதில் சும்மா இருத்தல் என்பது ஒன்றுமே செய்யாமல் இருத்தல் என்ற பொருளில் சொல்லப்படுவதல்ல – ஒருவர் ஒரு விஷயம் குறித்து முயற்சிக்கும்போது அது சிறப்பாக நிகழ வேண்டுமே என பதைபதைக்காமல் /கவலைப்படாமல் இயன்ற அளவுக்குச் செய்துவிட்டு, அது போகின்ற போக்கில் விட்டுவிடுதல் என்ற அர்த்தத்தில் சொல்லப்படுவது. குறிப்பாகச் சொன்னால், கடமையைப் பதைபதைக் காமல் செய்வது என்றும்கூடச் சொல்லலாம்.

இந்தப் புத்தகத்தை எழுதிய ஆசிரியர் வசிக்கும் ஊரில் ஒரு மியூசியத்தில் ’மைண்ட்பால்’ என்ற ஒரு சுவையான விளையாட்டு இருக்கின்றதாம். டேபிளில் இருக்கும் ஒரு பந்தை எதிரே இருக்கும் எதிராளியின் பக்கம் நகர்த்திச் சென்று எல்லைக் கோட்டைத் தொட்டால் வெற்றி என்கின்ற இந்த விளையாட்டில் ஒரு முக்கியச் சூட்சுமம் இருக்கின்றது.

பந்தை நகர்த்த மின்சாரம் வேண்டும். அந்த மின்சாரத்தை நம்முடைய மூளையில் இருந்து பெறவேண்டும். மூளை ரிலாக்ஸ்ட்டாக இருக்கும் போது வெளியாக்கும் ஆல்பா மற்றும் தீட்டா அலைகளைத் தலையில் எலெக்ட்ரோடுகள் அடங்கிய தலைப்பட்டையை மாட்டிக்கொள்வதன் மூலம் கண்டறிந்து, அந்த அலைக்கு ஏற்றவாறு மின்சாரத்தை மேசைக்கு அடியில் உள்ள ஒரு காந்தத்தில் செலுத்தி பந்தை நகரச் செய்யும்படி அந்த விளையாட்டு இருக்குமாம்.

விளையாடும் நபர் எந்த அளவு ரிலாக்ஸ்ட்டாக இருக்கின்றாரோ, அந்த அளவு ஆல்பா மற்றும் தீட்டா அலைகள் மூளையில் இருந்து வெளிப்பட்டு, பந்து எதிராளியை நோக்கி முன்னேறும். விளையாடும் நபர்கள் கண்களை மூடிக்கொண்டும், ஆழமான மூச்சுவிட்டுக்கொண்டும் மூளையே ரிலாக்ஸ் என படாதபாடுபடுவதைப் பார்த்தால், வேடிக்கையாக இருக்கும். அதிலும், ஒருவர் தீவிரமாக ரிலாக்ஸ் செய்து பந்தை எதிராளியின் எல்லையில் பாதியைத் தாண்டிவிட்டால், எதிராளி பதறிப்போய் பலமிழந்துவிடுவார்.

அதேசமயம், அதுவரை பந்தை ரிலாக்ஸ்ட்டாகத் தள்ளியவரோ பாதித் தாண்டிவிட்டோமே, மீதியையும் முடித்தால் பரவாயில்லையே என நினைத்து கவலைப்பட ஆரம்பித்து ரிலாக்ஸேஷன் குறைந்து ஆல்பா மற்றும் தீட்டா அலைகளை இழப்பார். இப்படி இரண்டு பிளேயர்களும் கூலாகவும், படபடப்பாகவும் மாறுவதைப் பார்க்க வேடிக்கையாக இருந்தாலும், நமக்கு லாபம் தரக்கூடிய ஒரு விஷயத்தில் நடப்பது நடக்கட்டும் என நினைத்து ஒரு விஷயத்தில் சும்மா இருப்பது ரொம்பக் கஷ்டம் என்பதைச் சுலபத்தில் புரிந்துகொள்ள முடியும் என்கின்றார் ஆசிரியர்.
பெரும்பாலும் கலை உலகத்தில் இருப்பவர்களே இந்தச் சும்மா இருப்பதை முழுமையாகப் புரிந்து கொண்டிருப்பார்கள்.

ஜாஸ் இசையில் பிரசித்தி பெற்ற ஸாக்சபோன் இசைக்கும் சார்லி பார்க்கர் ஸாக்சபோன் பழகும் இளைஞர்களிடத்தில், ‘நீங்கள் ஸாக்சபோனை வாசிக்காதீர்கள். ஸாக்சபோன் உங்களை வாசிக்கட்டும்’ என்று அறிவுரை சொல்வாராம். நடிகர்களுக்கும் இது பொருந்தும். வெறுமனே ஸ்க்ரிப்டைப் படித்து மனப்பாடம் செய்து வசனம் பேசினால் சூப்பர் எனச் சொல்லமாட்டார்கள். தன்னை மறந்து நடிக்கும் கதாபாத்திரமாக மாறினால்தானே ஆஸ்கார் கிடைக்கின்றது. எதையாவது செய்ய வேண்டும் என்று அங்குமிங்கும் பார்த்து, காப்பி அடித்தால் இணையத்தில் கிழிக்கவல்லவா செய்கிறார்கள்?

ஆனால், ஒரு நடிகர் சும்மா இருப்பது சுலபமான விஷயமா என்ன? முக்கியமான தருணத்தில் சும்மா இருப்பது ஒன்றும் சுலபமான காரியமில்லை என பல்வேறு உதாரணங்களுடன் விளக்குகின்றார் ஆசிரியர். அதேசமயம் அந்த முக்கியமான தருணங்களில் ரிலாக்ஸ்ட்டாகச் சும்மா இருந்தால், அதீத வெற்றி கிடைப்பதற்கான வாய்ப்பு மிகவும் அதிகரிக்கின்றது என்பதையும் தெளிவாகச் சொல்கின்றார் ஆசிரியர். பலிபீடத்தில் காளைகளைப் பலியிடும் ஒரு இறைச்சி வெட்டுபவராக இருந்தாலும் சரி, நுணுக்கமான மரவேலைகளைச் செய்யும் ஒரு தச்சு வேலைக்காரரானாலும் சரி, அவர்கள் கருமமே கண்ணானவராக மாறும்போது மட்டுமே வேலை சிறப்பாக நடக்கின்றது என்கின்றார்.

சீனாவில் ஒரு பலிபீடத்தில் பலிபோடும் வேலையில் இருப்பவரை, அது எப்படிங்க அரசரே முன்னால் இருக்கும் போதுகூட நீங்க பலிபோடும்போது அவ்வளவு நேர்த்தியாக இம்மி பிசகாமல் வருகின்றது? என்று கேட்டதற்கு, ஆரம்பத்தில் நான் பலியிடத் தொடங்கியபோது பலி கொடுக்கப்படும் மிருகம் என் கண்ணுக்குத் தெரிந்தது. மூன்று வருடங்களுக்குப்பின் எனக்கு மிருகம் தெரிவதேயில்லை. என் தெய்வீக கடமைதான் மனதில் இருக்கின்றது. இறைவன் எந்த அமைப்பில் மிருகங்களைப் படைத்திருக்கின்றான் என்பது எனக்கு முழுமையாய்ப் புரிந்துவிட்டது.

அதுவே என் கத்தியை சரியான பாதையில் பயணிக்கச் செய்கின்றது. அதனாலேயே, பலிபோடும்போது அதை நேர்த்தியாய்ச் செய்ய முடிகின்றது என்று சொன்ன அவர், திறமையான கசாப்புக்கடைக்காரன் வருடத்துக்கு ஒருமுறை கத்தியை மாற்றினால் போதும். ஆனால் திறமை குறைவாய் உள்ளவனோ மாதாமாதம் மாற்ற வேண்டும் என்றாராம்.

அரசருக்காக ஒரு மர வேலைப்பாடு களைச் செய்யும் தச்சரிடம் இது எப்படிச் சாத்தியம் என்று கேட்டதற்கு, முதலில் நான் பாராட்டு, புகழ், திட்டு, தண்டனை எல்லாவற்றையும் மறந்துவிடுவேன். அப்புறம் என்ன கலை புகுந்து விளையாட ஆரம்பித்துவிடும் என்றாராம். எப்படி இதையெல்லாம் மறப்பது சாத்தியம் என்று கேட்டதற்கு, முதலில் மனதை சலனமில்லாமல் மாற்றி என் முழு எனர்ஜியையும் கையகப்படுத்து வேன்.

இதற்கு நான் செய்யும் முதல் காரியம் விரதம். முதல் மூன்று நாட்கள் விரதம் இருந்தால் இது சாத்தியம். விரதம் ஐந்து நாட்கள் தாண்டியபின் புகழ், தண்டனை எல்லாம் மறந்துபோகும். ஏழு நாட்கள் தாண்டியபின் கைகால் இருப்பதே மறந்துவிடும் என்றாராம். கைகால் இல்லாமல் எப்படி தச்சுவேலையை அபாரமாய்ச் செய்ய முடியும் என்பது பிதற்றலாய் உங்களுக்குத் தோன்றும் என்றாலும், எதிர்பார்ப்பற்ற/பின்விளைவு குறித்துக் கவலைப்படாத அளவு கடந்த ஈடுபாடு என்ற ஒன்றே செய்யும் செயலில் சிறப்பை செழிக்க வைக்கும் என்பதுதான் நிஜம் என்கின்றார் ஆசிரியர்.

சும்மா இருப்பதன் லாபத்தைக் கோடிட்டுக் காட்டும் ஆசிரியர் சீனாவின் நீதிக்கதைகளில் ஒரு கதையை அவருடைய பயிற்சி வகுப்புகளில் (இதனை அவர்கள் யாரும் செய்துபார்க்கக் கூடாது என்ற கண்டிஷனுடன்!) அடிக்கடி சொல்வேன் என்கின்றார். அந்தக் கதையில் கடுமையான குடிபோதையில் இருந்த ஒருநபர் வேகமாக ஒடும் மாட்டுவண்டியிலிருந்து கீழே விழுந்துவிட, பெரிய எலும்புமுறிவுக் காயம் எதுவும் இல்லாமல் தப்பித்து விடுகின்றார். எப்படி தெரியுமா? குடிபோதையில் இருப்பவர் பொதுவாக உடம்பை டைட்டாக வைத்துக்கொள்வதில்லை. லூசாகவே வைத்துக் கொள்வார்கள். அதனாலேயே வண்டியிலிருந்து விழுந்தவர் ஒரு தற்காலிக ஜிம்னாஸ்டிக் கலைஞராக மாறிவிடுகின்றார். அதனாலேயே எலும்புமுறிவு ஏற்படவில்லை என்கின்றார் ஆசிரியர்.

ஏன் நம்மால் சும்மா இருக்க முடிவதில்லை என்று கேட்கும் ஆசிரியர், அது மனிதனின் பிறவிக்குணம் என்கின்றார். பிறவியிலேயே நாம் ஒரு விஷயத்தைப் பற்றிப் பெரிதாக முயற்சிக்காமல் இருந்தால் அது பெரிய கேடாய்ப் போய் முடியும் என்ற நம்பிக்கையுடன் இந்த உலகத்துக்கு வருகின் றோம் என்கின்றார். நம்முடைய வாழ்க்கைமுறை கல்வி போன்றவையும் இந்தவகை எண்ணத்தையே அதிகரிக்கச் செய்கின்றன என்கின்றார். நம்மைச் சுற்றியுள்ள உலகமும் புகழ், பணம், பவர், உணவு என எல்லா தேவையையும் நாம் பூர்த்தி செய்தேயாக வேண்டும் என்றும், அதற்கு ஒவ்வொரு விஷயத்தையும் சிறப்பாகச் செய்யவேண்டுமே என்ற கவலை கொள்ள வேண்டும் என்றே நம்மை வளர்த்தெடுகின்றது என்கின்றார்.

சரி, சும்மா இருக்க வேண்டும் என நினைப்பதே ஒரு கவலையாகிப் போகின்றதே. இது ஆசையே படக்கூடாது என்று ஆசைபடுவதைப்போல் அல்லவா இருக்கின்றது என்று கிண்டலடிக்கின்றார். வெற்றி என்பது ஒரு விஷயத்தைப் பற்றித் தீவிரமாகச் சிந்தித்துக்கொண்டும், தீவிரமாக முயற்சித்துக் கொண்டும் இருப்பதாலேயே கிடைத்துவிடுவ தில்லை என்பதைப் புரிந்துகொண்டும், நடப்பவற்றை நடக்கும் வழியிலேயே நடக்கவிடுவ தனாலும் பல அனுகூலங்கள் கிடைக்கும் என்பதைச் சொல்லும் புத்தகத்தை எல்லா விஷயத்துக்கும் பதைபதைக்கும் அனைவருமே ஒருமுறை படிக்கலாம்.

வாடிக்கையாளரின் கடன் வாங்கும் தகுதியை வங்கிகள் எவ்வாறு கண்டு பிடிக்கின்றன

வாடிக்கையாளரின் கடன் வாங்கும் தகுதியை வங்கிகள் எவ்வாறு கண்டு பிடிக்கின்றன.?

இயற்கை குணம் -

ஏற்கனவே எடுத்த கடன்களை நேரத்தில் திருப்பினாரா? பணம் இருந்தாலும் தவணை கட்டாமல் விட்டு விடுவாரா?

செயல் திறன் -

கடன் பணத்தைக் கொண்டு மேலும் பணத்தை ஈட்டினால்தான் வட்டி கட்ட முடியும். பணத்தை கவனத்தோடு முதலீடு செய்தால்தான் கெடு தேதியன்று திருப்ப முடியும். இவ்வாறு செய்யும் செயல் திறன் உள்ளவரா?

தன் முதலீடு - வங்கிக் கடனுக்கு ஈடாக வாடிக்கையாளர் தன் சொந்தப் பணம் எவ்வளவு கொண்டு வருகிறார்? நஷ்டம் ஏற்பட்டால் அதைத் தாங்கிக் கொள்ள சொந்த முதலீடு தேவை. நஷ்டம் நீடித்தால் சில காலத்திற்கு மேலும் முதலீடு செய்யும் தேவையும் ஏற்படலாம். சொந்தப் பணம் முதலீடு செய்தால் தொழிலில் கண்ணும் கருத்துமாக இருப்பர். வாடிக்கையாளர் தாரளாமாக முதலீடு செய்கிறாரா? தேவைப்பட்டால் மேலும் முதலீடு செய்யக்கூடிய தன் பண பலமோ குடும்ப அல்லது நண்பர் பலமோ உடையவரா?

ஈட்டுப் பொருள் (அடமானம்) - கடனுக்கு ஈடாக வாடிக்கையாளரே பொருளை முன்வந்து கொடுப்பது ஒரு வகை. நகைக் கடனை எடுத்துக்காட்டாகச் சொல்லலாம். இப்பொருட்களை வங்கிக்கு அடமானமாகக் கொடுப்பது அவசியம். கடன் எந்தப்பொருட்களை வாங்கத் தரப் படுகிறதோ அப்பொருட்களையும் வங்கிக்கு அடமானமாகக் கொடுத்தே ஆகவேண்டும்.

கார் கடன், வீட்டுக் கடன் போன்றவைகளை உதாரணமாகச் சொல்லலாம். இவற்றின் மதிப்பு போதாது என்று வங்கி நினைத்தால் அதிகப்படியாக வீடு, கம்பெனி பங்குகள், சேமிப்புப் பத்திரங்கள் போன்றவற்றை அடமானம் செய்யுமாறு நிபந்தனை இடலாம். தவணைகள் வரவில்லை என்றால் இவற்றை விற்று கடனை அடைக்க வேண்டியிருக்கும். அப்படி ஒரு நிலை வந்தால் அத்தருணத்தில் இந்த ஈட்டுப் பொருட்களின் சந்தை விலை நிலவரம் எவ்வாறு இருக்கும்? கடனை அடைக்கப் போதுமானதாக இருக்குமா?

கடன் சுற்றுச்சூழல் -

வாங்கிய கடனை வைத்து முதலீடு செய்யும் பொருட்கள், தொழில், வணிகம் இவற்றின் பொதுவான நிலைமை எவ்வாறு உள்ளது, நாளை எவ்வாறு இருக்கும்? மக்கள் பொருட்களை வாங்குவது பொதுவாகக் குறைந்தால் நம்மிடம் கடன் வாங்கிய வாடிக்கையாளா¢ன் கடன் திருப்பும் திறனை பாதிக்கும். இத்தகைய பொருளாதாரச் சுற்றுச்சூழல் கடன் கொடுக்கும் சமயத்தில் எவ்வாறு உள்ளது? தவணைகள் செலுத்த வேண்டிய நீண்ட கால கட்டத்தில் இச்சூழ்நிலை எவ்வாறாக இருக்கக் கூடும்?

Stock Market Training Services in Chennai

Stock Market Training for beginners,Technical Analysis on Equity,Commodity,Forex Market,Learn Indian Equity Share Market Share Market Trading Basics: Fundamentals Of Share Market Trading training, Stock Market Basics - Share Market Trading Basics,Share Market Trading Questions/Answers/Faq about Share Market derivatives,rupeedesk,learn and earn share Equity,Commodity and currency market traded in NSE,MCX,NCDEX And MCXSX- Rupeedesk.Contact: 9094047040/9841986753/ 044-24333577, www.rupeedesk.in)

Can I redeem my FD before the original term?

Yes, FD can be closed before the original term of the FD. In the event of the Fixed Deposit being closed before completing the original term of the deposit, interest will be paid at the rate applicable on the date of deposit, for the period for which the deposit has remained with the Bank. In case of premature withdrawal the deposit may be subject to penal rate of interest as prescribed by the Bank on the date of deposit.

Can I get a loan against a Fixed Deposit?

Yes, you can. Most banks offer a loan against FD. By using the fixed deposit as a collateral for the loan you can get a loan at lower rates. The rates are usually pegged at a few percentage points higher than the fixed deposit. Usually banks advance up to 90% of the fixed deposit being held in a loan.

At what frequency will I receive interest on my FD?

For the Traditional scheme, the interest on the FD account is credited to the Savings account specified by you on a monthly basis or on a quarterly basis. For the Reinvestment scheme, the interest is compounded to the principal amount on a quarterly basis.

வீட்டுக் கடன் வட்டி மூன்று வகை!

வீட்டுக் கடனைப் பொறுத்தவரைக்கும், நிலையானது , மாறுபடும் , கலவை அப்படின்னு மொத்தம் மூணு வகையான வட்டி வகைகள் இருக்கு. கடன் வாங்கும்-போது நிர்ணயிக்கப்படுற வட்டி, குறிப்பிட்ட வருஷத்துக்கு (3 அல்லது 5 வருஷம்) மாறாம இருக்குறதுதான் நிலையான வட்டி விகிதம். அதுக்குப் பிறகு கடன் சந்தையோட வட்டிக்கு ஏத்தமாதிரி உங்க கடனோட வட்டியும் மாறிடும்.

மாறுபடும் வட்டின்னா, கடன் சந்தையோட வட்டி விகித ஏற்றஇறக்கத்துக்கு ஏத்த மாதிரி மாறும். முழு காலத்துக்கும் ஒரே அளவுக்கு தவணை இருக்காது. சில நூறு ரூபாய்கள் கூடலாம், குறையலாம். இதைச் சமாளிக்க முடியும்ங்குறவங்க இந்த பக்கம் போகலாம்.

கடன்ல ஒரு பகுதி நிலையான வட்டி விகிதத்துலயும், மீதி மாறுபடும் வட்டி விகிதத்துலயும் இருக்குறதுதான் கலவை. எந்த வட்டி விகிதத்துல எவ்வளவு சதவிகிதம் இருக்கணும்ங்குறதை தேர்ந்தெடுக்கிற ஆப்ஷனும் இருக்கு. ஓரளவுக்கு ரிஸ்க் எடுக்கத் துணிஞ்சவங்களுக்கு இது சரியா இருக்கும்.

வழக்கமா, நிலையான வட்டி விகிதம், மாறுபடும் வட்டி விகிதத்தை விட 1-2% அதிகமா இருக்கும். அதனால மாறுபடும் வட்டி விகிதம்தான் லாபகரமானதா இருக்கும். வட்டி விகிதம் உயரும்போது, குறிப்பிட்ட வருஷத்துக்கு ஒரு தடவை நிலையான வட்டியும் அதிகரிச்சுடும். அப்போ உள்ள நிலைமைக்குத் தகுந்த மாதிரி வட்டியும் அதிகமா வசூலிப்பாங்க. இந்த ரிஸ்க் எல்லாம் தேவையான்னு நினைக்கிறவங்க, கண்ணை மூடிக்கிட்டு, கலவை வட்டி விகிதத்தைத் தேர்ந்தெடுக்கலாம். நடைமுறையில வீட்டுக் கடன் வாங்கியிருக்குறதுல சுமார் 85% பேர், மாறுபடும் வட்டி விகிதத்தைத்தான் தேர்ந்தெடுத்திருக்கிறாங்க.

ஒருவேளை நீங்க நிலையான வட்டி விகிதத்தை செலக்ட் பண்ணியிருக்கீங்கன்னு வைங்க. அதுக்குப் பிறகு வட்டி விகிதம் குறைஞ்சு மாறுபடும் வட்டி விகிதமும் கம்மியானா, நீங்க நிலையான வட்டியிலேர்ந்து மாறுபடும் வட்டிக்கு மாறிக்கிறது லாபமானது. வட்டி விகிதம் எதிர்காலத்துல ரொம்ப அதிகரிக்கப் போற மாதிரியான சூழ்நிலை இருந்தா, அப்போ மாறுபடும் வட்டியிலேர்ந்து நிலையான வட்டிக்கு மாறிக்கிறது ஆதாயம். இந்த மாற்றத்துக்கு, பாக்கி இருக்குற கடன் தொகையில 1-2% அளவுக்கு கட்டணமா செலுத்த வேண்டியிருக்கும். சில வங்கிகள் ரெண்டொரு தடவை இலவசமா மாற்றிக்கிறதுக்கு அனுமதிக்குது. நீங்க கடன் வாங்குற பேங்க்குல எப்படின்னு தெளிவா விசாரிச்சுக்கோங்க.

பொதுவா நாட்டுல பணவீக்க விகிதம் அதிகரிக்கும்போது கடனுக்கான வட்டி விகிதமும் அதிகரிக்கும். இதை வைச்சு நீங்க வட்டி விகிதத்தை தேர்வு செய்யலாம். பண வீக்க விகிதம் அதிகமா இருந்தா, நிலையான வட்டியையும், குறைவா இருந்தா, மாறுபடும் வட்டி விகிதத்தையும் தேர்ந்தெடுக்கிறது நல்லது.

முக்கிய பங்குச் சந்தைகள்

முக்கிய பங்குச் சந்தைகள்..!

நம்ம நாட்டை பொறுத்தவரைக்கும் மும்பை பங்குச் சந்தை (பி.எஸ்.இ.), தேசிய பங்குச் சந்தை (என்.எஸ்.இ.) என இரண்டு பெரிய சந்தைகள் இருக்கு. இதுதவிர மெட்ராஸ் பங்குச் சந்தை, கொல்கத்தா பங்குச் சந்தைனு பரவலாக ஏரியா அளவிலும் பல சந்தைகள் இருக்கு.

ஆனால், இப்போதைக்கு முழு வேகத்துல செயல்படுறது மும்பை பங்குச் சந்தையும், தேசிய பங்குச் சந்தையும்தான். இந்த பங்குச் சந்தைகளில் ஆயிரக்கணக்கான நிறுவனங்கள் அதனோட பங்குகளை பட்டியலிட்டிருக்கும். அவற்றின் மீது திங்கள் முதல் வெள்ளிக்கிழமை வரை காலை 9.15 மணி முதல் மாலை 3.30 மணி வரைக்கும் வியாபாரம் நடக்கும்.

ஒருகாலத்துல நம்மூர் சந்தை மாதிரியே இங்கேயும் பங்குகளை வாங்குறவங்களும் விக்கறவங்களும் கூவிக் கூவி வியாபாரம் செஞ்சிக்கிட்டிருந்தாங்க. இப்போ கம்ப்யூட்டர் வந்த பிறகு எல்லாமே ஆன்லைனுக்கு வந்திடுச்சு. அதாவது, நாம உட்கார்ந்த இடத்துல இருந்தே பங்குகளை வாங்கலாம், விற்கலாம்!

பங்கு வர்த்தகம்: ஆஃப்லைன், ஆன்லைன்

பங்கு வர்த்தகத்துல ஆஃப்லைன், ஆன்லைன் அப்படின்னு ரெண்டு வசதி இருக்கு.

ஆஃப்லைன்ங்குறது புரோக்கர்கிட்ட நேர்லயோ, போன் மூலமாவோ ஷேர் வாங்கச் சொல்றது.

ஆன்லைன்ங்குறது, புரோக்கிங் கம்பெனி, நமக்குன்னு கொடுத்திருக்குற யூசர் ஐ.டி. பாஸ்வேர்டைப் பயன்படுத்தி, இன்டர்நெட் மூலமா நேரடியா பங்கு வர்த்தகம் பண்றது. பங்குச் சந்தையோட நெளிவு, சுளிவு தெரியாம, ஆன்லைன் ஷேர் டிரேடிங்கில் இறங்குறது அவ்வளவா நல்லதில்லை.

இந்த ஆன்லைன் டிரேடிங் செய்யறதுக்கான அக்கவுன்டை பேங்க்ல ஆரம்பிச்சா, அது த்ரீ -இன் -ஒன் அக்கவுன்டா இருக்கும். அதாவது பேங்க் அக்கவுன்ட், டீமேட் அக்கவுன்ட், டிரேடிங் அக்கவுன்ட் மூணும் ஒரே இடத்துல கிடைக்கும். பங்குகளை வாங்கும்போதும் விற்கும்போதும், அதுக்கான பணப் பரிமாற்றம், நம்ம-ளோட பேங்க் கணக்குல கம்ப்யூட்டர் மூலமா தானா நடக்கும்.

இதே ஆன்லைன் அக்கவுன்டை ஷேர் புரோக்கிங் ஆபீஸ்ல ஆரம்பிச்சா, பேங்க் அக்கவுன்ட் தனியாவும், டீமேட் மற்றும் ஆன்லைன் டிரேடிங் கணக்கு தனியாவும் இருக்கும். ஆன்லைன் டிரேடிங் செய்ய இன்டர்நெட் கனக்ஷனோட இருக்கிற கம்ப்யூட்டர் அவசியம். அதுக்காக பிரவுசிங் சென்டர்ல போயி ஆன்லைன் டிரேடிங் செய்யக்கூடாது. ஏன்னா அது அவ்வளவு பாதுகாப்பானது இல்லை.

இப்போ பங்குகளை வாங்குற அளவுக்குத் தயாராகிட்டீங்களா..? அதாவது உபரியா இருக்கற சேமிப்பு பணத்தைத்தான் பங்குச் சந்தையில் போடுறதுனு முடிவு பண்ணி-யிருக்கீங்க... அதுக்கான டீமேட் கணக்கு, டிரேடிங் கணக்கு எல்லாம் ரெடியாகிடுச்சு... அப்படித்தானே..!

முதலீட்டுக்கு பங்கை எப்படித் தேர்ந்தெடுப்பது?

ஒரு பங்கை எப்படித் தேர்ந்தெடுப்பது... அந்தப் பங்குக்கு இந்த விலை சரிதானானு எப்படித் தெரிஞ்சுக்கறதுனு ஒரு சந்தேகம் வரும். சந்தையில வர்த்தகம் ஆகிக்கிட்டிருக்கும் பங்குன்னா அதோட செயல்பாட்டை வெச்சு தெரிஞ்சுக்கலாம். ஆனா புதுசா வெளியாகும் ஐ.பி.ஓ. நல்லதானு எப்படி தெரிஞ்சுக்கறது?

முதல்ல, இப்போ எந்த கம்பெனியுமே முகமதிப்புல பங்கு வெளியிடுறது இல்லை. அதாவது, பங்கின் மதிப்பு பத்து ரூபாய்தான். ஆனா, 'என் கம்பெனிக்கு நல்ல பேர் இருக்கு... நல்ல திறமை இருக்கு... அதனால், நான் இத்தனை ரூபாய் பிரீமியத்தில்தான் தருவேன்'னு சொல்லி கம்பெனிகள் பிரீமியத்தில்தான் விலை நிர்ணயம் செய்கின்றன.

ஒரு பங்கோட விலை இவ்வளவு ரூபாய்ன்னு நிர்ணயிக்க பல காரணிகள் இருக்கு. பங்கு வெளியிடுற நிறுவனம் எந்த அளவுக்கு லாபத்துல இயங்குது, எவ்வளவு சொத்து இருக்கு, அந்த நிறுவனத்துக்கு எந்த அளவுக்கு மதிப்பு இருக்கு, எதிர்கால வளர்ச்சி எப்படி இருக்கும்..

இந்த மாதிரி விஷயங்களை எல்லாம் அடிப்படையா வச்சுதான் ஒரு நிறுவனத்தோட பங்கு விலை தீர்மானிக்கப்படுது. இதை சம்பந்தப்பட்ட நிறுவனமும், மெர்ச்சென்ட் பேங்க்கர்ஸ் நிறுவனமும் சேர்ந்து முடிவு செய்யும்.

இப்படி கூடுதலா வச்சு விற்கப்படுற தொகைக்கு பிரீ-மியம்னு பேர். உதாரணமா, 10 ரூபாய் முக மதிப்பு கொண்ட ஒரு பங்கை 300 ரூபாய்க்கு ஒரு கம்பெனி விற்குதுன்னா, இதுல பிரீமியம் 290 ரூபாய். அதாவது பங்கோட விலையிலேர்ந்து, அதோட முகமதிப்பை கழிச்சா கிடைக்கிறதுதான் பிரீமியம்.

இப்போ இந்த அடிப்படை விஷயங்களை நாமளே தெரிஞ்சு முடிவெடுக்க முடியுமா...? எது நல்ல ஐ.பி.ஓ-னு எப்படித் தெரிஞ்சுக்கறது. இதுக்கு சில விஷயங்களைக் கவனிக்கணும். அந்த கம்பெனியை நடத்துறவங்களோட நம்பகத் தன்மை, நிறுவனத்தோட கடந்தகால செயல்-பாடுகள், அந்த நிறுவனம் தயாரிக்கிற பொருட்களுக்கு எப்படி வரவேற்பு இருக்கு, அந்த நிறுவனம் சார்ந்திருக்கிற துறை வருங்காலத்துல வளர்ச்சி அடையுமா.. இப்படி சில விஷயங்களை கணக்குப் பண்ணிப் பார்க்கணும்.

பங்குச் சந்தை என்றால் என்ன?

‘மாப்பிள்ளைக்கு எந்தக் கெட்டப் பழக்கமும் கிடையாது. பீடி, சிகரெட் பிடிக்க மாட்டார்... வெற்றிலை, பீடா பழக்கம் கிடையாது... சீட்டுக் கட்டை கையால்கூடத் தொடமாட்டார்.

இவ்வளவு ஏன், பங்குச் சந்தையில்கூட பணம் போடலைன்னா பார்த்துக்கோங்களேன்!’

இப்படிப்பட்ட பட்டியலில்தான் இருக்கிறது நம் பங்குச் சந்தை... இன்னமும் பலர் பங்குச் சந்தையிலிருந்து ஒதுங்கியிருக்கிறார்கள். நீங்களும் அப்படியிருந்தால் இனியாவது மறுங்கள். கவனமாகக் கையாண்டால் நிச்சயமாக அது லாபத்தை அள்ளிக் கொடுக்கும் நல்ல வழிதான். உடனடியாக இல்லாவிட்டாலும் நீண்ட காலத்தில் பங்குச் சந்தை பற்றிய உங்கள் கருத்தை நிச்சயமாக மாற்றிக்கொள்வீர்கள்.

கம்பெனி நாலு விதம்..!

கம்பெனி... கம்பெனினு சொல்றோமே அதிலே நாலுவிதம் இருக்கு. முதல்ல தனி ஆள் சொந்தமாக நடத்துற கம்பெனி. அடுத்து ரெண்டு மூணுபேர் சேர்ந்து நடத்துற பார்ட்னர்ஷிப் கம்பெனி... அடுத்து, கொஞ்ச பேர் கூட்டாச் சேர்ந்து பணம் போட்டு நடத்துற பிரைவேட் லிமிடெட் கம்பெனி. இந்த மூணுக்கும் நமக்கும் எந்த சம்பந்தமும் இல்லை. நாலாவதா இருக்கற பப்ளிக் லிமிடெட் கம்பெனிதான் நமக்குத் தேவை! ஏன்னா, அந்த கம்பெனிக்கும் நமக்கும் தொடர்பு இருக்கே... பின்னே அந்த பப்ளிக் நாமதானே!

சிம்பிளாச் சொல்லணும்னா பப்ளிக்கா வந்து பல பேரை கூட்டாளியாச் சேர்த்துக்கிட்டு அவங்ககிட்டேயும் பங்கு முதல் வாங்கி தொழில் நடத்தும் கம்பெனிதான் பப்ளிக் லிமிடெட் கம்பெனி. அதுல கூட்டாளியா இருக்கறவங்க பங்குதாரர். அட, நீங்கதாங்க அது!

அதாவது ஒரு கம்பெனியை நடத்துறதுக்குப் பத்து கோடி ரூபா தேவைனு வெச்சுக்கோங்க... அதை கோடி பேர்கிட்டே பத்து பத்து ரூபாயா வாங்கி பணத்தைச் சேர்த்தா அது பப்ளிக் லிமிடெட் கம்பெனி. அந்த கம்பெனியை நடத்தி, அதில் கோடி ரூபா லாபம் வந்ததுன்னா அதை பத்து ரூபாய் கொடுத்த ஆளுக்கு ஒரு ரூபாய் லாபம்னு கணக்கு வெச்சு பிரிச்சுக் கொடுத்திடலாம். இதுதான் பங்குக் கணக்கு.

பங்குச் சந்தைன்னா என்ன?

இப்போ உங்களுக்கு ஒரு சந்தேகம் வந்திருக்குமே...அந்த கம்பெனியில பத்து ரூபாய் கொடுத்து பங்குதாரர் ஆகலாம்னு எப்படித் தெரிஞ்சுக்கறதுன்னு... அதைக் கூவிக் கூவி விக்கறதுக்குனு சந்தை இருக்கு... நம்ம ஊர் வாரச் சந்தை மாதிரியே... அதுக்குப் பேர்தான் பங்குச் சந்தை..! ஆங்கிலத்தில் ஷேர் மார்க்கெட்.

கம்பெனிகள் எல்லாம், ‘எங்க கம்பெனி பங்குகளை வாங்கிக்கோங்க’னு சந்தையில் கடைவிரிப்பாங்க... வேணுங்கறவங்க பங்குகளை வாங்கி அந்த கம்பெனியில பங்குதாரர் ஆவாங்க... இப்படி பங்குகளை விக்கிற இடம்தான் பங்குச் சந்தை. ‘சரி, இது ஒருநாள் வியாபாரம் தானே..? முதல்ல பங்கை வாங்கிட்டா... அதுக்குப் பிறகு பணம் போட்டவருக்கும் கம்பெனிக்கும்தானே நேரடி பேச்சுவார்த்தை... சந்தைக்கு என்ன வேலை’னு கேக்கத் தோணுதா..

ஐ.பி.ஓ... செகண்டரி சந்தை..!

மேலே சொன்னோமே... கம்பெனிகள் தங்களோட பங்குகளை கடைவிரிக்கும்னு அதுக்குப் பேர்தான் பங்கு வெளியீடு! இங்கிலீஷில் ஐ.பி.ஓ. (இன்ஷியல் பப்ளிக் ஆஃபர்) சொல்வாங்க. அதாவது, ஒரு கம்பெனி தன்னுடைய தொழிலை விரிவுபடுத்துறதுக்காக பங்குச் சந்தைக்கு வந்து பங்குகளை வெளியிடுவாங்க... இந்த பங்கு விற்பனையை, மெர்ச்சென்ட் பேங்க்கர்ஸ் அப்படிங்குற நிதி நிறுவனங்கள் முன்னாடி நின்னு நடத்தி, சம்பந்தப்பட்ட நிறுவனத்துக்கு நிதி திரட்டிக் கொடுக்கும். ஒரு கம்பெனி பங்கு வெளியிட்டாச்சுன்னா அந்த கம்பெனி சந்தைக்கு வந்தாச்சுனு அர்த்தம்.

இப்படி ஒரு கம்பெனி ஐ.பி.ஓ. வரும்போது அது நல்ல கம்பெனி... நல்ல லாபம் கிடைக்கும்னு நினைச்சு பல பேர் அந்த பங்குகளை அடிச்சுப் பிடிச்சு வாங்கிடுறாங்கனு வச்சுக்கோங்க... அப்படின்னா சிலருக்கு அந்தப் பங்கு கிடைக்காமப் போயிடும் இல்லையா? ஆனா, அவங்க வாங்கறதுக்கும் ஒரு வாய்ப்பு வரும். அதுக்கு செகண்டரி மார்க்கெட் அதாவது இரண்டாம் நிலை சந்தைனு பேரு!

ஐ.பி.ஓ-.வுல வாங்காதவங்க அதுக்குப் பிறகு இந்த செகண்டரி மார்க்கெட்டுல வாங்கிக்கலாம். ஐ.பி.ஓ.-வில பங்குகளை வாங்கினவங்க அந்தப் பங்குகள் வேண்டாம்னு நினைச்சோ அல்லது நல்ல டிமாண்ட் இருக்கிறதால லாபத்துக்கு வித்துடலாம்னு நினைச்சோ விற்க முன்வருவாங்க. அந்த சமயத்துல அந்த பங்குகளை மத்தவங்க வாங்கிக்கிடலாம். ஆனா, ஒரு வித்தியாசம்... ஐ.பி.ஓ-.விலே கம்பெனி நிர்ணயம் செஞ்ச விலைக்குப் பங்கு கிடைக்கும். ஆனா, செகண்டரி மார்க்கெட்டுல எந்த விலைக்கு விற்க விரும்பறாங்களோ அந்த விலை கொடுத்துதான் வாங்கணும். பத்து ரூபாய் பங்குன்னா பத்து ரூபாய்தானே இருக்கணும். அது எப்படி அதிகமாகும்னு நினைக்கிறீங்களா..?

நாம பசுமாடு ஒண்ணை பத்தாயிரம் ரூபாய்க்கு ஒருத்தர்கிட்ட வாங்குறோம். வாங்கின பிறகு நாம எதிர்பார்த்ததை விட அது அதிகமா பால் கறக்குதுனு வச்சுக்குவோம்... இப்போ அந்த மாட்டை விற்க நினைச்சா அதே பத்தாயிரத்துக்கா விற்போம்? கூடுதல் லாபம் வச்சுதானே விற்போம். அப்படித்தான் நல்ல லாபம் கொடுத்தா... பங்கோட மதிப்பும் சந்தையில கூடும். பத்து ரூபாய்க்கு வாங்கின பங்கு நூறு ரூபாய்க்குகூட போகும்!

ஐ.பி.ஓ.&வுல கம்பெனி நிர்ணயம் பண்ணின விலைக்குத்தான் பங்கு கிடைக்கும்னு முதல்ல பார்த்தோமே... அந்த காலமும் இப்போ மலை-யேறிடுச்சு. முன்ன-யெல்லாம் பத்து ரூபாய் மதிப்-புள்ள பங்குகளை ஒரு கம்பெனி வெளியிடு-துன்னா, அந்த பத்து ரூபாய்க்கே வாங்கலாம். ஆனா, இப்போ பிரீமியம் ரேட்டுங்கற பேர்ல ஐம்பது மடங்கு, நூறு மடங்கு அதிகமாத்தான் கம்பெனியே விலை நிர்ணயம் பண்ணுது.

இப்போ ஒரு விஷயம் புரிஞ்சிருக்குமே... பங்குச் சந்தைக்கு வர்ற கம்பெனிகள்ல நல்ல திறமையான கம்பெனியோட பங்குகளை வாங்கினா, அது நமக்கு நல்ல லாபத்தைச் சம்பாதிச்சுக் குடுக்கும்.

மனை வாங்கப் போறீங்களா?

ஆதாம், ஏவாள் காலத்திலேருந்து இப்போ வரைக்கும் குடியிருக்க ஒரு இடம்ங்கறது எல்லாருக்குமே கனவுதான். கனவில் கண்டதை நிஜமாக்கும்போது பல விஷயங்களையும் ஆலோசனை பண்ணித்தான் முடிவு செய்யணும். ஏன்னா, இன்னிக்கு இருக்கற நிலைமையில யாரையும் நம்பி எதுவும் செஞ்சிட முடியாது. கனவை நனவாக்கிற அவசரத்துல முதலீட்டுல சிக்கல் எதுவும் வந்திடக் கூடாதில்லையா!

மனை எப்படி இருக்கு?

ஒரு இடத்தைப் பார்க்கப் போகும்போதே நம்ம வேலை ஆரம்பிச்சுடுது. 'இங்கனதான் பக்கத்துல...'னு சொல்லி வேன் வெச்சு கூட்டிட்டுப் போய் அத்துவானக் காட்டுக்குள்ள இருக்குற இடத்தைக் காட்டுவாங்க. அதுமாதிரி போய் மாட்டிக்கிடக் கூடாது.

ஒரு இடத்தை வாங்கலாமா... வேண்டாமானு முடிவு செய்யறதுக்கு அடிப்படையா சில விஷயங்களைக் கவனிக்கணும்.

'அந்த இடம் மழை நேரத்துல சேறு, சகதி, குட்டை, குளம் ஆகாம, வாழுறதுக்கு ஏத்ததா இருக்குமா... குடிதண்ணீர், கழிவுநீர் வசதி, மின்சாரம் எல்லாம் உடனே கிடைக்குமா... பக்கத்துலயே பள்ளிக்கூடம் , கடைகள் எல்லாம் இருக்கா... போக்குவரத்துக்கு ஏத்த மாதிரி பஸ் ஸ்டாண்ட், ரயில்வே ஸ்டேஷன் பக்கத்துல இருக்கா... குறைந்தபட்சம் ஒரு ஆட்டோ ஸ்டாண்டாவது இருக்கா... ஆத்திர அவசரத்துக்கு பத்து நிமிஷத்துல போற மாதிரி நல்ல ஆஸ்பத்திரி இருக்கா... அந்த ஏரியாவில் பேங்க்கோ, ஏ.டி.எம். மெஷினோ இருக்கா...'னு பலதையும் பார்த்து, ஒரு இடத்தை வாங்கலாமா, வேண்டாமானு முடிவு செய்யணும்.

நாம வாங்குன உடனே வீடுகட்டி குடிபோறதா இருந்தாதான் இதெல்லாம் பார்க்கணும்ங்கிறது இல்லை... எதிர்காலத்துல விலையேறும், நல்லா டெவலப் ஆகும்னு முதலீட்டு நோக்கத்துல வாங்கறதா இருந்தாலும் இந்த வசதிகள் எல்லாம் இருக்கானு பாத்துக்கறது நல்லது.

விவசாய நிலமா... கூடுதல் கவனம் வேண்டும்!

வாங்கப் போற நிலம் விவசாயத்துக்குப் பயன்படுத்தினதா இருந்தா... ரொம்பவே கவனமா இருக்கணும். ஏன்னா, விவசாய நிலத்தை மத்த விஷயத்துக்கும் பயன்படுத்தலாம்னு உள்ளாட்சி அமைப்பு அனுமதி கொடுத்திருக்கணும். அப்போதான் அதிலே வீடுகட்டமுடியும். சிலர், மலிவா கிடைக்குதேனு அதையெல்லாம் பாக்காம வாங்கிடுவாங்க. அதுக்குப் பிறகு, வீடு கட்ட அனுமதி வாங்கறதுக்குள்ளே உன்பாடு, என்பாடுனு ஆகிடும். நாம வாங்கப் போறதே கையளவு இடம்... அதை வெச்சுக்கிட்டு விவசாயமும் பண்ணமுடியாது. அதனால், வாங்கும்போதே முறையா அனுமதி வாங்கின இடமானு பார்த்து வாங்குங்க!

மியூச்சுவல் ஃபண்ட் முதலீட்டை எப்படி ஆரம்பிப்பது?

இப்போ எதுல முதலீடு பண்றதா இருந்தாலும் பான் கார்டு கண்டிப்பா வேணும். அதனால, மியூச்சுவல் ஃபண்ட் முதலீட்டுக்கு தயாராகும் போதே பான் கார்டு வாங்கிக்கிடணும். ஓகே... அடுத்தக் கட்டமா, கே.ஒய்.சி. என்கிற உங்களின் 'வாடிக்கையாளரை அறிந்துக் கொள்ளுங்கள்" படிவத்தை ஏதாவது மியூச்சுவல் ஃபண்ட் நிறுவனத்தின் கிளை மூலம் பூர்த்தி செய்து கொடுக்க வேண்டும்.

இதில் உங்கள் பெயர், முகவரி, பான் கார்ட் எண், வருமான விவரம் போன்றவற்றை நிரப்பி போட்டோ ஒட்டி கொடுக்க வேண்டும். கூடவே ரேஷன் கார்ட் மற்றும் பான் கார்ட் ஜெராக்ஸ் கொடுக்க வேண்டி வரும். இதை ஒரு முறை செய்தால் போதும்.

மேலே குறிப்பிட்டது, பொதுவானது. கிராமப்புற மக்களும் பயன்பட வேண்டும் என்பதற்காக ஓராண்டில் ஒரு மியூச்சுவல் ஃபண்டில் எஸ்.ஐ.பி. முறை அல்லது மொத்தமாக 50,000 ரூபாய் வரை செய்யப்படும் முதலீட்டுக்கு பான் கார்டு எண் கொடுக்கத் தேவையில்லை. இதற்கு கொடுக்கப்படும் கே.ஒய்.சி. படிவத்தில் புகைப்பட ஆதாரத்துக்கு வாக்காளர் அடையாள அட்டை, பாஸ்போர்ட், ஓட்டுநர் உரிமம், அரசு மற்றும் முன்னணி நிறுவனங்களின் அடையாள அட்டை போன்றவற்றில் ஏதாவது ஒன்றைக் கொடுத்தால் போதும் என செபி அண்மையில் வெளியிட்டுள்ள சுற்றறிக்கையில் குறிப்பிட்டுள்ளது.

செபி-யின் புதிய விதிமுறைப்படி, ஒருவர் தனித்தனியாக கே.ஒய்.சி. படிவத்தை பூர்த்தி செய்து கொடுப்பதன் மூலம் வெவ்வேறு மியூச்சுவல் ஃபண்ட் கம்பெனிகளிலும் தலா 50,000 ரூபாய் வரை பான் கார்டு இல்லாமல் முதலீட்டை செய்ய முடியும்.

Stock Market Classes in Chennai , Saidapet

Are the interest rates for all the banks the same?

Each bank or financial institution that is offering fixed deposits fixes its own deposit rates. The deposit rates depend upon the financial position of the bank and the conditions that impact the fundraising for the institution.

Click Below

Are banks the only institution that offers fixed deposit?

There are many other institutions apart from banks that offer fixed deposit investment options for investors. Within the banking family there are public sector banks, private sector banks as well as co-operative banks with whom a fixed deposit can be made.

Click Below

Are Bank Fixed Deposits (FDs) safe?

Bank Fixed Deposits (FDs) are generally safe investments because FDs up to Rs 1 lakh are insured under the Deposit Insurance & Credit Guarantee Scheme of India.